Замано болар до, йорт етташ денна,
Адам ду сихделла, хууш дац стенна?!
Шаверриг хьере ву, вайна х1ун хилла?
Вай мича хьаьвдда те, я вай ду тилла?!
Г1иллакх дац лелош, и к1езиг хета,
Воккхачо хьехар дарх, цхьа а ца кхета.
Чу-каре янне яц, марзо д1аяьлла,
Я вовше тешам бац, и гена баьлла.
Тезет а ловзаргах д1атарлуш лаьтта,
Да-нана кхелхинчохь к1ант парг1ат лаьтта.
Къинхетам лаьттина меттиг ца йисна,
Я цуьнах тамаш беш нах а ца бисна.
«Нохчалла» ц1е лелор беламе хета,
Эхь хеташ ц1ийвелларг ма атта хета.
Алийша, адамаш, вайна х1ун хилла?
Суна схьахетарехь вай билггал тилла!!!
Чечен Инфо
